Nakakapanibago

Nakakapanibago

Naalala ko noong una ko pa lang nadiskubre ang blogging sobrang saya ko magsulat araw-araw. Bago pa ako sa online noon, kumbaga kung sa mga online gamers “noob” ang tawag nila. Baguhan, konti pa lang ang alam. So ayun araw-araw nagsusulat ako tungkol sa mga ginagawa ko sa trabaho, sa bahay, sa buhay. Ginawa kong diary kasi hindi ko naman talaga alam na maari palang makita ng ibang tao ang isinusulat ko.

Pero mabuti naman yon at wala naman talaga akong dapat ikatakot kasi sa palagay ko wala naman na tayong maitatago sa mundo. Minsan nga mabuti na bukas lang ang paningin mo sa lahat ng bagay. Parang ang gaan lang ng lahat kung wala kang inaalala. Pero syempre hindi naman a lahat ng oras walang dapat alalahanin. Hindi din naman perpekto ang buhay. Siguro magtataka ang iba kung bakit tagalog itong panulat ko ngayon. Wala lang, ang tagal lang din kasi na hindi na ako nakapagsulat ng tagalog. Pakiramdam ko kelangan kung balikan kasi ayoko talaga makalimot ng sariling atin.

Minsan kasi nakakasawa na rin magbasa ng English, lahat kasi ng tao ngayon gusto nang malaman ng buong mundo ang lahat na gusto nilang sabihin, ginagawa, gagawin at kung anu-ano pa. Tulad ng social media lahat na yata ng nakita ko kahit anong lahi man ang mga ito ay talagang pinagsusumikapan na English ang status sa bawat araw. Kahit sa mga panayam sa TV at Radyo gustong-gusto nila English ang sagot sa mga tanong. Wala naman akong problema dun, ang sa akin lang naman syempre mas maigi pa rin na di makalimot sa sariling atin. Kung ang mga Japanese nga ay nakakatanggap ng Noble Prize awards at Writer’s award sa mga isinusulat nilang aklat na sa sarili nilang wika, tayo pa kaya. Ang punto lang, kaya nalang ipagmalaki sa buong mundo ang sarili nilang kultura, wika, panulat at kung anu-ano pa.

Hayyyy nakakamiss lang talagang magsulat, parang ang daming maaring sabihin at ibahagi. Gusto ko pa ring balikan ang impluwensya ng social media sa ating lahat. Ang mga ito naman ay sadyang obserbasyon lamang. Yung mga bagay na dati ay hindi pangkaraniwan na parang masasabi mong “Ay oo nga anu?” Ayoko namang maging negatibo sa panulat na ito pero gusto ko lang matukoy ang mga bagay-bagay na napagtuunan ng aking pansin sa mga nakaraang taon, araw, buwan. Una sa lahat, ng dahil sa social media ang dami ng mga taong nagpapanggap, nakakalimot at gayundin nabibiktima. Nagpapanggap kasi yung iba kahit na hindi naman talagang mayaman lahat ginagawa para magmukhang mayaman at angat sa iba kapag nag post sa kanilang social page, nagpapanggap na magaling kasi mahilig manumbat sa kapwa, nagpapanggap na hindi na marunong managalog kasi nakatira na sa ibang bansa, nagpapanggap na babae kahit lalaki pala, nagpapanggap na mabait at palakaibigan, lahat ng sosyal na pagkain kahit napicturan lang naman pala at hindi naman talaga aktwal na nakain at natikman at pinopost, lahat gustong maging mas angat sa bawat isa, pabonggahan ng bags, damit, sapatos, bahay, travels, ultimong bagong palit na punda na LV ang tatak at nabili sa relip ay ipopost yun kasi nga pangmayaman.

Heto na ngayon ang tungkol sa nakalimot. Ang mga taong nabanggit sa taas ay nakalimot na pala na sa squatter lang sya nakatira, wala pala talaga syang magarang bahay, kotse at mamahaling bag, nakalimot lang sya talagang magpakatotoo, nalimutan na din nya na gutom na pala ang mga anak nya kasi di sya nakapagsaing sa sobrang busy nya na makapag post ng bagong manicure nyang kuko eh pambili pa sana pala ng bigas ang binayad nya doon, may isa naman na ang daming travels at lakwatsa pero nakalimot na may nanay pala syang nag aantay sa bahay nila, may mga kapatid din pala sya, lola, auntie, pinsan na sabik na sabik na makita sya, pero dahil sosyal sya mga kaibigan nya lang ang kasama palagi sa outing. Tapos heto namang isa na nagkataon na nakapag abroad at pinopost pa ang mga kinitang pera sa page nya pero nakalimutan nya namang magbigay sa pamilya nya na syang nagpakahirap makapagtapos man lang sya. Meron din isang mapagkawang gawa lahat ng ginawang pagtulong ay naka social media din, ang daming natulungan pero nakalimot naman na marami din pala sa kapamilya nya ang talagang nangangailangan na totoong tulong. Meron din namang nakalimot na magsabi ng I love sa nanay nya na nasa tabi lang pala nya, pero ang dami namang sinasabihan ng I love you sa social media tapos may nagpaalala na birthday pala ng nanay nya sa araw na yun, pero yun sa social media binati ang nanay eh nasa bahay naman sya, anu ba namang lapitan mo ang nanay mo at yakapin sa sabihang i love you, Hayyy kakaawa talaga. Marami pa eh hindi ko mabanggit lahat.

Heto naman ang mga nabibiktima, ang pinakauna sa lahat gusto kong tukuyin ay ang mga biktima ng insecurities at inggit na dahil sa nakitang magandang post nga ka social media ay agad ng nag self pity at na insecure at naiinggit. Dahil doon nagalit sa sarili, sa nanay, sa asawa, sa kapatid kasi wala sya nun. Wag ganyan kapatid, kaya mo rin yan, kung hindi man marami namang mga bagay na maari mong paghugutan ng kasiyahan mo. Oo nga’t nakabili sya ng magarang bahay at kotse pero wala naman sa pamilya nya ang gustong makasama sya kasi nga sobrang matapobre na sya dahil sa achievements nya, samantalang ikaw, kasama mo ang pamilya mo, kahit simpleng buhay pero masaya naman kayo. Yung mga ganyang pag-iisip dapat hindi ba? Tapos meron din naman na sa sobrang paniwala na ang yaman yaman na nya ay biglang lumagpak ulit sa lupa kasi nagpabiktima sa silaw ng salapi at makamundong bagay, eh anu ngayon hiyang hiya na sya kasi lahat ng na post nya sa social media ay naglahong parang bula. Kaya nga friend dapat huwag kampante sa buhay kasi habang patuloy na uminog ang gulong pumapaibaba talaga yan sa para mabuo ang cycle. Enjoy lang kung anong meron ka at sanayin ang sarili na hindi lahat ng oras masaya mag social media. Minsan mag post ka din ng sad moments, yung legit na sad moments hindi yung peke.

Ayyy naku! andami ko na yatang nasabi dito. Quits na muna. Sa susunod ulit! Abangan!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s